Ngkai Maka Ia Usur Lupa

Sumber Maranatha, Edisi:212(Nopember 2008), Hal:67

Cakap Jambur
Ngkai Maka Ia Usur Lupa?

* “Eeee…la kin i jenda turangku maka ku pajak nasi e kam man silih?” nina Bp.Bongbeng man Bp.Joringta

– “I jenda nge ia silih? Muatku lawes ndai! SUruhna kubaba kunci rumah. Kepeken kubaba kunci lemari. Emaka ciger ndai ku rumah la banci!” nina Bp.Joringta

^ “Sangap denga kam e Silih! Aku si usur lupa! Labo kuinget tah aku minjam sen! Tah aku mere pinjamen man kalak! Emaka megati menam rubat!” nina Bp.Kokkok.

# “Yaahhh! yah..! Lit ka seninangku! Anakna pe dua denga nge! Tapi lalap la ingetna tah ia enggo empo ntah lang! Uga akapndu e?” nina Bp.Kehkeh.

= “Kakk…! kakk..! Em ban lupa kam palas nggeluh e ari? Kai kin Palas Nggeluh e? E…e…e..me “Kata Dibata” ban lebe palasna. Pasti! Pasti aman kerina bas perbeben…tetap la lupa erban ku simehuli. Nina Masmur 119:105 “KataNdu kap tendang man nahengku, nerangi dalan si ku dalani”.

Pa Gasing: naik pe erga minak, tetap terang lampuna (pusuhna).

cataten bas kami (www.infogbkp.com) nari,

** Maz 119:105 = Firman-Mu itu pelita bagi kakiku dan terang bagi jalanku.

Kerna lupa banci jadi sada indikasi stress ringan, sada opini ngatakenca maka stress ringan ngkenai sebagaian besar manusia. Contoh kitik si banci si idah eme, paksa ibas ruang tamu, ateta muat katakenlah pisau ku dapur, tapi sehkenca i dapur, kita lupa kai ateta ndai sibuat, seh maka enggo cukup ndekah maka enggo ka si inget, enda me salah sada bentuk stress ringan.

Guna menanggulangi enda, salah sada eme tetap melatih otakta alu aktifitas fisik si melibatken otak contohna ercatur, ngisi tts (teka teki silang), ras si debanna.

Pikun ntah masalah ibas ingaten si ngkenai orang tua, banci siantisipasi alu kegiaten enda, tetap ersosialisasi, melatih otak tetap aktif ras tentu saja ngikuti kerina kegiaten Gereja; Pjj ras PA pe banci menambah kinerja otak guna mencerna infomasi si ialoken kita.

Mbera erguna man banta kerina warga GBKP, selamat melayani Tuhan. Bujur..!!

http://www.infogbkp.wordpress.com
Admin

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: