Cangkir La Ercuping

Sumber Maranatha, Edisi:198 (Oktober 2007), Hal:79 -ras tambahen ibas Admin web enda nari.
Ogen : Efesus 4:2

dian-carin270
Ibas sada perayaan Natal Permata, kerehen temue tuhu-tuhu la terduga kerna undangen reh, mungkin erkiteken wari e mejile ka janah Pengkhotbah si iundang pe cukup igemari Permata. Tapi persikapen Permata bagi sikurang, la cukup perkakas gelas ntah piring, emaka kerina perkakas Moria si enggo male ras lit cedana pe ipedarat guna ipake.

Erkiteken sie, BP.Rg. (adm-Badan Pengurus/Pekerja Runggun) pe nganjurken man panitia maka temua lebe ibere inemen bagepe snack si enggo isikapken, orang tua ntah pertua/diaken pudi pe ilayani labo soal. Emaka paksana giliren pertua/diaken ielai, cangkir lanai bias, emaka cangkir moria siceda-ceda ndai me iban. Sekalak pertua emeretus purn. (adm- purnwirawan/pensiunan tentara), ndatken cangkir plastik la ercuping enggo ka magem-magem, nembeh kal ia, “iah….e.., lanai e, nggo kurang kena hamatna man bangku e, la kin eteh kena maka setengah dana natal enda bas aku nari..!!”..(adm – kira-kira uga akandu rupa ayona adi merawa sekalak pensiunan prajurit..!?).

La ndekahsa kenca si ndai, reh ka Permata sideban mbagiken jedah (adm- makanan ringan labo gelar ingan), erdandanken jedah  si enggo isikapken habis, emaka ibuat panitia me inisiatif ngelegi tambahen jedah ku warung sindeherna bas Gereja, erkiteken wari enggo berngi, roti kelapa (adm-tualah) kerah-kerah ras mbengkung nari ngenca tading, e ka me si ibagiken man orang tua ras pertua/diaken, seh ka ku pertua emeretus ndai, “iaah….roti kelapa (adm- untung la kepala nina), mbengkung-mbengkung..?e…enggo nokoh kena e bangku, perban enggo metua e kuapak ari..!!? ”

Ep. 4:2 terang ngatakenca maka meteruk min ukurndu, lemah lembut, dingen saber, ula pergelut, tapi sikeleng-kelengen. Megati kal kita ibabai dirinta kubas ukur gulut erkiteken la meteruk ukur, latih siakap sebab meganjang kita rukur, kurang iergaken ateta kita, rsd (adm-ras si debanna) emaka murah kita merawa, murah megelut. Ep. 4:2 eme tambar man banta gelah tenang ngalaken geluh enda, uga dage ninta..?”

Cataten bas kami nari,
Efesus 4:2
2.  Hendaklah kamu selalu rendah hati, lemah lembut, dan sabar. Tunjukkanlah kasihmu dalam hal saling membantu.

Ada dua hal;
pertama; rendah hati itu baik, mengarahken kita menjadi pengikut Kristus yang setia dan mau berbagi,
kedua; rendah diri, artinya tidak percaya diri. Siapakah kita di hadapan Tuhan? adi siukuri kai si ibahan Pertua emeretus enda ndai, siidah ia enggo erkira ibas pemerena tapi la igejapna e rehna ibas Dibata nari.

Mbera arah renungen enda banci kita lebih ersikap ibas ndalani Mingu-Minggu Advent ibas tahun Marturia 2008 enda.

Mbera erguna man banta kerina warga GBKP, selamat melayani Tuhan. Bujur..!!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: